Rojnameyê Xwebûnî hetê polîsan ra yeno astengkerdiş

Polîsan nêverda rojnameyê Xwebûnî bierşawîyo Îstanbûl û fîrmaya otobuse hetê polîsan ra ameye tehtîdkerdiş.

Rojnameyê Xwebûnî yo ke bi Kurdkî yeno weşanayene, hetê Emnîyetê Dîyarbekirî ra yeno astengkerdiş. Polîsî şîyê otogarê Dîyarbekirî û înan asteng kerdo ke hûmara 148ine ya Xwebûnî bierşawîya Îstanbûl. Xebatkarê fîrmaya otobuse hetê polîsan ra ameyê tehtîdkerdiş. Polîsî 15ê Teşrîna Verêne de şîyê otogar û xebatkaranê fîrma ra vato ‘Şima nê rojnameyî nêbenê’.

Hetê polîsan ra verî cû zî rojnameyê Xwebûnî amebi astengkerdiş. Polîsî 19ê Êlule de şîbî otogarê Dîyarbekirî, înan nêverdabi rojname bierşawîyo Mersîn û înan dest nabi hûmara 144ine ya rojnameyê Xwebûnî ser.

MA / DÎYARBEKIR