‘Sîstemo ke ma awan kerdo, bi bombayan nêrijîyeno’

Hetkarê Hemserekê Meclîsê Demokratîkî yê Şengalî Hisên Seadoyî dîyar kerd ke sîstemo ke Şengal de ameyo awankerdene bi bombayan nîno rijnayene.

Tirkîya, Bakur û Rojhelatê Sûrîyeyî û Şengalî rê hêrişanê xo ramnena. Hêrişanê 25-26ê Kanûne de Bakur û Rojhelatê Sûrîyeyî rê waranê sivîlan rê zî hêrişî ameyê kerdene û nê hêrişan de 9 kesî ameyê qetilkerdiş.

28ê Kanûne de zî Şengal de karkeranê bîrê awe rê hêrişe ameye kerdene û 5 karkerî ameyê qetilkerdiş. 

Nê hêrişî hetê Hetkarê Hemserekê Meclîsê Xoserî yê Demokratîkî yê Şengalî Hisên Seadoyî ra ameyê erjnayene.

Seadoyî dîyar kerd ke Tirkîya tehamulê Şengalî nêkena û va, “Hedefê înan de Rojava û Şengal est ê. Wextê hêrişanê DAÎŞî de tewr zêde Rojavayî paştî daye Şengalî. Tirkîya mîyanê hêrsêkî pîlî de ya. Wazena sîstemê neteweya demokratîke birijna. No sîstem, bi fedekarîya pîle, bi îradeyê pîlî ameyo awankerdene. Bi hêrişan û bombayan nêrijîyeno.  Ma do qerardarîya x ora çirey fek rameverdê.”

‘Rojava rê wayîrvejîyayîş neteweya demokratîke rê wayîrvejîyayîş o’

Seadoyî dîyar kerd ke ganî her kes paştî bido Şengal û Rojava û va, “Ma sey komelê Êzidîyan û Îdareyê Xoserî hetê Rojavayî de yê. Bero ke mabênê ma de bi ame padayene. Eke nêameyêne padayene do paştîdayîş hîna hurtêr bibîyêne. Înan waşt têkilîya Şengal û Rojavayî bibirnê. Çi beno wa bibo, ma do timûtim hetê Rojavayî de bê.”

MERKEZÊ XEBERAN