Îdareyê Xoserî yê Şengalî: Hêrişî nêşkenê îradeyê ma bişiknê

Hêrişa Tirkîyaya ke vera Xanesor ameye kerdene hetê şarê Şengalî ra ameye protestokerdene.

SÎHAyanê Tirkîya vizêr Şengal de keyeyêk hedef girewt. Hêrîşe de kes nêmerd la çend keyeyan zirar dî. Hetê şarê Şengalî ra hêrişe ameye şermezarkerdiş û Iraq û sazîyanê mîyannetewîyan rê gazîye ameye kerdene ke, wa hêrişî bêrê vindarnayene.

‘Wazenê agêrayîşan asteng bikerê’

Hetê Meclîsa Şarî ya Xanesorî ra malûmatêk ame wendene. Ame vatiş ke, “Şarê ma çi wext biwazo agêro erdê xo ser, seba ke şarê ma anêgero planê gemarinî kewenê kar. Îradeyê şarê ma bi nê hêrişan nêşikîyeno. Komelê Êzidîyan tarîx de raştê zaf fermanan ameyo la ma îradeyê xo teslîmê çewî nêkerd. Vera sivîlan hêrişî yenê kerdene. Ma sazîyanê mîyannetewîyan ra vanê wa vera nê hêrişan bêveng mebê û wa sînor bifînê mabênê xo û Erdoganî.”

TAJÊ zî malûmatêk da û malûmatê înan de ame vatiş ke, “Nê hêrişî girêdayîyê muqaveleyê 9ê Teşrîna Verêne yê. Ma heta nika destûr nêda ke no muqavele bikewo kar. Ma do erdê xo terk mekerê, wayîrê îradeyê xo bivejîyê û destûr medê ke muqavele bikewo kar. Şengal leteyê Iraqî yo, Iraq ganî vera hêrîşan wayîr bivejîyo û nînan rê vengê xo bikero.”

ROJNEWS/ŞENGAL