Tevgera Azadî ra seba Kerkûkî hişyarîye

Tevgera Azadî derheqê hedîseyanê Kerkûkî hişyarîye kerde û dîyar kerd ke eke meseleyî bi rayanê haştîyaneyan çareser mebê do felaketêk biqewimîyo.

Seba ke rayîrê Kerkûk û Hewlerî yo ke amebi padayene bêro akerdene hetê Kurdan ra Kerkûk de protestoyî ameyê kerdene. Eskeran guleyî varnayî şarî ser û 4 ciwanê Kurdî ameyê qetilkerdiş.

Ganî vernîya hedîseyan bêro girewtene

Derheqê hedîseyanê Kerkûkî hetê Tevgera Azadî ra malumato nuştekî ame dayene. Ame vatiş ke, “Eke meseleyî bi rayanê haştîyaneyan meyerê çareserkerdene, Kerkukî de do şerêko etnîkî û mezhebi peyda bibo û bibo sebebê felaketêk.”

Kerkûk hînî bi îdareyanê eskerîyan nîno îdarekerdiş

Dewamê malumatî de ame vatiş ke, “Kerkûk hinî Kerkûko verên nîyo. Hinî bi rayanê eskerî û dîktatorîye îdare nêbeno. Ganî Kerkûk bi şaranê xo bi sîstemê demokratîkî xo îdare bikero. Eke vernîya hedîseyan meyero girewteno do gişta hêzanê teberî bikewa mîyan. Sebebê nê kerdenan sîyasî yê û bi weçînayîşî de têkildar ê. Wazenê seba menfaate xo şaranê Kerkûkî qurban bikerê.”

Komployanê gemarinan pûç bikerê

Peynîya malumatî de gazîye ameye kerdene û ame vatiş ke, “Ma veng a pêro cîhetanê Kerkûkî danê; vera hedîseyan bi xesas têbigêrê. Seba çareserîye rayanê haştîyaneyan esas bigerê. Eke nîyo bibo, do pêro planê gemarinî bêrê pûçkerdene.”

ROJNEWS