Kerkûkî ra dima Xaneqîn de zî polîtîkaya Kurdan ra pakkerdişî yena ramitene

Weçînayîşî ra dima Kerkûk û Xaneqîn de planê Kurdan ra pakkerdişî kewtê kar.

Mehleya Newroze ya Kerkûkî de wazenê keyeyanê Kurdan vejî û Ereban ca bikerê. Ameyo dîyarkerdiş ke no plan nika seba Xaneqînî zî yeno ramitene.

Weçînayîşê 18ê Kanûne 2023yî de Kerkûk de Kurdî serkewtê. Dima, îqtîdarê AKP-MHPyî, MÎT û Îdareyê Iraqî seba ke mintiqa bifînê têmîyan têgêrenê. Çapemenîde ca girewto ke hukmatê Iraqî wazeno 17 keyeyanê Kurdan Xaneqînî ra vejo. Parlamenteranê Kurdan dîyar kerd na gamêka verên a û eke serbikewê wazenê 1000 keyeyanê Kurdan Xaneqînî ra vejê. 

Kerkûk de xoverdayîş dewam keno

Weçînayîşaşê Kerkûkî de Kurdî ke serkewtê, ITC (Cebheyê Tirkmenan ê Iraqî) ke binê kontrolê MÎTî de yo Îdareyê Iraqî seba ke Walîtîya Kerkûkî nêdîya Kurdan têgêrayê. Wezîrê karanê Teberî yê Tirkîya Hakan Fîdanî planê bidore îdarekerdişî pêşkêş kerdibi. Sereyê serra newîye de planê Mehleya Newroze ra Kurdan vetişî kewt kar û Kurdan vera nînan çadira xoverdayîşî rona. 

Maddeyê 140inî yê Qanûnê Bingeyinî

Goreyê maddeye 140inî yê Qanûnê Bingeyinî yê Iraqî, Kerkûk û Xaneqîn tam dîyar nîyo ke aîdê kamcîn mintiqa yê. Ganî 2007î de referandûm biamêne kerdene la no referandûm ame astengkerdiş. Xaneqîn, girêdayeyê bajarê Dîyala yo û sînorê Kurdistanê Rojhelatî de yo. Se ra 90ê nifûsê ci Kurdê Feyîlî yê. Zêderîya nifûsê Kerkûkî zî Kurd ê. Kerkûk, 16ê Teşrîna Verêne 2017î de hetê artêşê Iraqî û Şaşdî Şabî ra ame îşxalkerdene û o wext ra nata Kurdî cayê x ora yenê vetene. Tayê dewanê Xaneqînî de Erebî ameyê cakerdene û nifûsê Erebanê bajaranê bînan kirişîyayê Kerkûk.

Pêşmergeyî remaybî

16ê Teşrîna Verêne 2016î de pêşmergeyê PDK û YNKyî remayê û Kerkûk û Xaneqîn ameyê îşxalkerdiş. Seba ke Kurdî Kerkûk ra bêrê vetene wexto ke Serekê MÎTî bi Hakan Fîdanî Iraq de xeylê pêvînayîşî kerdê. Dima ke bi wezîrê karanê teberî zî nê pêvînayîşê xo dewam kerdê. Tirkîya wazena YNKyî binbifîna. Yeno dîyarkerdiş ke wazenê Mehlaya Newroze ya Kerkûkî de 172 keyeyan keyeyanê înan ra vejê. Vera ney zî çalakîya çadire dewam kena.

YENÎ YAŞAM