Vedat Aydin mezela xo ser de ame yadkerdene

Serekê HEPî yê Amedî Vedat Aydin 1991î de hetê Jîtemî ra amebi qetilkerdiş.

Vedat Aydin hetê rêxistinê HDPyî yê Amedî ra mezala xo ser de ame yadkerdene. Parlamenterê Partîya Çep a Keske yê Amedî Adalet Kaya, Serhat Eren, keyeyê Aydinî, TJA, Şûbeya ÎHDyî û îdarekarê MEBYA-DERî bîyê beşdarê yadkerdişî.

Mezele ser de Verfeka Partîya Çep a Keske ya Amedî Pinar Sakik Tekîn û Hemserekê ÎHDyî yê Amedî Abdullah Zeytunî qisey kerd û înan dîyar kerd ke xoverdayîşê Vedat Aydinan ver raya destlkewteyan abîya û erjanê înan ver xoverdayîş rasayo ewro.

‘Ma do wayîrê xatirayanê ci bivejîyê’

Parlamenterê Partîya Çep a Keske yê Amedî Serhat Erenî zî qisey kerd û va, “Şexsê Şehîd Vedatî de hêzanê dewlete hêrişa Kurdan kerd, cenazaya ci de xeylê kesî ameyê qetilkerdiş û birîndar bîyê. Bi îtîrafanê Jîtemî eşkera bi ke senî ameyo qetilkerdiş la bi politikaya cezanekerdişî sûcdaran ceza nêgirrewte. Ma do xoverdayîşê Vedat Aydinî biramnê û wayîrê xatirayanê ey bivejîyê.”

Birayê ci Veysî Aydinî zî qisey kerd û va, “32 serrî vîyartê. Vedat Kurdperwer bi, pêro hal û şertan de Kurdkî de israr kerdêne. Cuay xo bi Kurdkî ramite. Vatêne estbîyayîşê şarî ziwan o. Timûtim xo ver da û rolê xo yê rayberîye ard ca.”

MA / AMED