Weşanxaneyê Nayî ra kovara felsefeyî

• Weşanxaneyê Nayî do kovara Felsefeyî veja û no do Kurdkî de bibo gamêka verêne.

Weşanxaneyê Nayî do kovara Felsefeyî veja û no do Kurdkî de bibo gamêka verêne.

Kovara ke do hetê weşanxaneyê Nayî ra bêra vetene bi nameyê Philosophia bivejîya. Berpirsîyarîyê ci do hetê Alî Gurdîlîyî, edîtorîyê ci do hetê Raîf Yamanî û weşana ci zî do hetê wayîra Nayî Berfo Barî ra bêrê kerdene. Kovare do venganîya felsefeya Kurdkî debikera. Nuşteyê ke do bêrê weşanayîş, ganî derheqê felsefeyi de bê û ganî ziwanê înan sade û zelal bo.

Kovare do zaf lehçeyine bo

Weşanxaneyê Nayî derheqê kovare de malûmatêk weşana û va, “Nê serranê peyênan de wareyê kovaregerîye de çîyê başî bîyê. La çi heyf ke kovarêka felsefeyî ya Kurdkî çina. Ma 6 serran ra ver bi nameyê ‘Feylesofî’ kovarêk vete la emre ci zaf derg nêbi. Ma qerar girewt ke yewna kovara felsefeyî vejê. Kovare do hîrê aşmane bo. Ma do nuşteyanê Kirmanckî û Sorankî zî biweşanê. Seba ney zî ma wazenê xo birasnê nuştoxanê Kirmanc û Soranan. Ma do termînolojîyêka felsefîke Kurdkî awane bikerê. Hûmara verêne do taybete ba.”

MERKEZÊ XEBERAN