33 serran ra dima ver bi dewa xo ya venge kewtê rayîr

Nûçeyên Komel û Cuye

pêncşem 26 gulanê 2022 - 16:26

  • Mezraya Koderî ya Payîzavaye 33 serrî verî cû ameybî vengkerdiş. Koderîjî şîyê dewa xo û înan tîya de xatirayê xo yad kerdê.

Mezraya Koderî ya Payîzavaye 33 serrî verî cû ameybî vengkerdiş. Koderîjî şîyê dewa xo û înan tîya de xatirayê xo yad kerdê.

Kurdistan de bi hezaran dewî ameyê vengkerdiş û vêşnayîş. Mezraya Koderî zî înan ra yew a. Mezra 1989î de ameye vengkerdiş. Mezraya Koderî mwerkezê Wanî ra 100 kîlometre dûrî ya. Dewijî mecbûrî dewa x ora vejîyayê û şîyê Wan. Mîyanê serran de dewa înan bîye xirabî. Serranê peyênan de koçerî şinê dewe. 

33 serran ra dima şîyê dewa xo

Dewijanê Mezraya Koderî 33 serran ra verê xo da dewa xo ya xirabî. Raywanîye 3 saetî ramite. Dewijî dewa xo ya xirabî mîyan ra gêrayê û înan xatirayê xo yad kerdê. Dima înan sung û vaşî daye arê û sifreyê erdî ser o înan werdê xo werd. Werdî ra dima kilamê verênî ameyê vatene. 

Dewa xo reyna vînayîş erjîyeno pêro dinya

Qumrî Îltere va, “Dewa ma şînayî û zergûne bî. Keyeyê ma 2 çime bi û yew zî çimeyê mêmanan estibi. Nika tena kileya ci menda. Merdim zaf keweno ver. Ez ewro ameya dewa xo, ez zaf bîya kêyfweş. Mergî ra ver reyna vînayîşê dewa xo mi rê erjîyeno pêro dinya.”

* Nuşteyê Siddik Guleri (Serhat News) ra amaye grewtiş.

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.