Enstîtuya Kurdî ya Amedî semînerê ziwanê dayîke organîze kerd

• Enstîtuya Kurdî ya Amedî,  bi wesîleya Roja Ziwanê Dayîke ya Dinya semîner organîze kerd.

Enstîtuya Kurdî ya Amedî, bi wesîleya 21ê Sibate Roja Ziwanê Dayîke ya Dinya Şûbeya 1ine ya Egîtîm-Senî Amedî de semîner organîze kerd. 
Moderatorîya semînerî hetê rojnameger Gulçîn Şanli ra ameye kerdene. Nuştox û açarnayoxe Saîme Xakpûre, tarîxnas û ziwanzan Dr. Mehemed Malmîsanij û nuştox û weşanger Denîz Gunduz bîyê beşdarê semînerî. Dr. Mehemed Malmisanijî ‘Etîmolojîya Kurdkî’, Saîme Xakpûre ‘Bakur û Rojhelatî de Ziwanê Kurdkî û Edabîyat’ û Denîz Gunduzî zî ‘Standardîzasyonê Ziwanî’ ser o qisey kerd.
Dr. Mehemed Malmîsanijî dîyar kerd ke Kirmanckî kêmî yena qiseykerdene û binê talukeyî de ya. Malmîsanijî dîyar kerd ke Kurmanckî ser de zî talukeyê bandorê Tirkî est o.
Saîme Xakpûre dîyar kerd ke bitaybetî 5 serranê peyênan de Rojhelatî de Kurdkî ser de teda zêdîyaya. Aye dîyar kerd ke reyna zî Kurdî vera tedayan xoverdayîşê xo ramnenê.
Denîz Gunduzî zî derheqê standardîzasyonê ziwanî de qisey kerd. Gunduzî bale ante talukeyan ser o û seba çareserîya probleman pêşnîyazê xo pare kerdê. (JINNEWS / AMED)