Abdulla Peşêw Rizkarkerê Dawî yê Hebesta Kurdî

• Kitabê “Abdulla Peşêw Rizkarkerê Dawî yê Hebesta Kurdî” de em behsa cuya Abdula Peşêw bîya hem zî fikrê ey ê roşnvîrîye û şaîrtîya ey zî ameyê qiseykerdene.

Kitabê “Abdulla Peşêw Rizkarkerê Dawî yê Hebesta Kurdî” ameyo çapkerdiş. Nê kitabî de hem behsa cuya Abdula Peşêw bîya hem zî fikrê ey ê roşnvîrîye û şaîrtîya ey zî ameyê qiseykerdene.

Abdulla Peşêw estunanê şîîra Kurdkî ra yew o. 1967î ra nat 10 ra zêder dîwanî çap kerdê. Peşêw şîîranê xo Sorankî nuseno. Şîîrê ey serranê peyînan de açarîyayê Kurmanckî zî. Zulkuf Ergun verî cu şîîrê ey açarnabî Kurmanckî û Weşanxaneyê Peywendî ra çap kerdibî. Nika zî Zulkuf Ergunî şaîrtîya Peşêwî ser o kitabêk nuşto û çap kerdo. Kitab bi nameyê “Abdulla Peşêw Rizgarkerê Dawî yê Helbesta Kurdî”yî çap bîyo. Ergun Abdula Peşêwî sey xelaskerê peyin yê şîîra Kurdkî vîneno û derheqê fikre xo de analîzan û malûmatan dano.

Peşêwî ser de tesîrê Xanî û Koyîyî

Qismo yewin de Ergun derheqê cuya Peşêwî de malûmatan dano. Qismo dîyin de poetîkaya ey ser de vindeno. Goreyê Ergunî Peşêw bine tesîrê Hecî Qadirê Koyî û Ehmedê Xanîyî de mendo. Abdulla Peşêw 2018î de amebi Dîyarbekir. Peşêwî 2019î de bi nameyê ‘General’î Mazlûm Kobanîyî rê şîîrêk nuştibî û bin a şîîre bakur de hîna zêde ame şinasnayene. 

Derheqê Abdula Peşêwî de

Abdulla Peşêw 1946î de Hewlêr de ameyo dinya. Hewlêr de Enstîtuya Mamostetîye de wendo. 1970î de Bexdatî de bîyo endamê Yewîtîya Nuştoxanê Kurdanî. 1973yî de şîyo Yewîtîya Sovyetan. 1979î de masterê xo qedînayo û 19854î de zî doktoraya xo kerda. Peşêw 5 serrî Lîbya de Zaningehê Zankoya El-fatîhî de dersî dayê. Abdulla Peşêw 1995î ra nat Fînlandîya de cuwîyeno.

MERKEZÊ XEBERAN