Albumê Ayfer Duzdaşe yê ‘Kilomên Arxawûnê’ vejîya

• ‘Kilomên Arxawûnê’ netîceya xebata arêdayîşî de ameyo hedrekerdiş.

Albumê Ayfer Duzdaşe yê ‘Kilomên Arxâwûnê’ vejîya. Albumî de kilamê mintiqaya Arxawûnî yê Meletî ameyê arêdayîş. Nê deyîrî do hezînaya ma ya kulturî de cayê xo bigerê.

Nuşteyê daşinasnayîşê albumî de ame vatiş ke: “Ayfer Duzdaşe, 2012-2014î de mintiqaya Arxûwanî de arêdayîşî kerdê û wazena na xebata xo birasna goşdaroxan. Hunermende wexto ke gêraya, 18 kesan ra 90 deyîrî Kurmanckî arê dayê û qeyd kerdê. Nê kilaman ra tayî hema newe ameyê qeydkerdene. Ayfer Duzdaşe bin a xebata xo kilaman vîndîbîyayîşî ra xelisnena û înan dekena mîyanê xezîneya kulturî. Nê erjê kulturîyî do bi albuman birasê goşdaroxan.

Babetê deyîranê Arxawûnî ekserî eşq, xurbetî, merg û cîyabîyayîş ê. Kilamê Arxawûnî ekserî meqamanê ‘Mekanê Pîran, ‘Huseynî’, ‘Uşak’ û ‘Hîcaz’î yenê vatene. Kilamê dînî yê ke cemî de û semah de yenê vatene zî nê deyîyan mîyan de cayêko muhîm genê. Nê kilamê dînîyî bi tenbûra hîrê teline bi teknîkê şelpe yan zî pençeyî yenê cinitene. Meletî de bê tembûra pîran, tembûre, cura, keman(kêmî), def û zirne û qirnata yenê cinitene.”

PÎRHA