Wefatê Mihemed Arif Cizîrîyî ser ra 37 serrî vîyartê

Hunermendo erjaye Mihemed Arif Cizîrîyî cuya xo ya hunerî de xeylê berhemê erjayeyî dekerdê heqibeyê muzîkê Kurdkî.

Hunermend Mihemed Arif Cizîrî, serra 1912î de Cizîr de maya x ora bîyo. Vengê maya ey Edila Xanîme zaf weş bîyo û Mihemed Arif bî bandorê maya xo dest bi muzîkî kerdo. Cizîrîyî xeylê berhemê erjayeyî dekerdê heqibeyê muzîkê Kurdkî.

Meryem Xane reyde beno beşdarê kumpanyaya ‘Ebul Kalbe’ û bi serran Radyoya Bexdayî de deyîranê Kurdkî vano. Seba ke paştî dayo Serewedartişê Şêx Seîdî wazenê ey îdam bikerê la xelisîyeno. Mihemed Arif, serra 1986î de Dihok de wefat keno.

Derheqê Mihemed Arif Cizîrîyî de

Mihemed Arif Cizîrî, 1912î de Cizîr de maya xo ra beno. Hema ke 13 serre yo seba ke paştî dayo Serewedartîşê Şêx Seîdî Îstanbûl de tewrê Serekê Kurd Tealî Cemîyetî Seyîd Abdulkadir û 12 embazanê ci yeno girewtene.

Înan anê Amed û bi mehkemaya sembolîke cezaya îdamî dîyena înan. Seyîd Abdulkadir û 5 embazê ci roja 27 Gulane 1925î yenê dardekerdene. Seba ke serrê ci qic ê Cizîrî dardekedişî ra xelisîyeno. 4 serrî zîndanê Amedî de maneno û dima vejîyeno. Ci rê tedayî yenê kerdene û verê xo dano Bexda. Tîya de bi serran Radyoya Bexdayî de deyîranê Kurdkî vano.

Cizîrî, 1932yî de zewecîyeno û yew lac yew kêna 2 domanê xo benê. Meryem Xane reyde beşdarê kumpanyaya ‘Ebul Kalbe’yî beno. No proses de 300yî ra zêderî berhem qeyd keno. 1939î de zî Radyoya Bexdayî de dest bi kar keno. Cizîrî hem deyîran îcra keno hem zî xeylê deyîran beste keno.

Maya ey Edila Xanime zî dengbêjêka başe bîya. Deyîranê Cizîrîyî de hîna zêde eşq, heskerdiş, egêdî û heskerdişê welatî vejîyenê ver.

Mihemed Arif Cizîrî, 1986î de 79 serrîya xo de Dihok de dinyaya xo bedilneno û Dihok de yeno wedartene.

YENÎ YAŞAM