Albumê Mikaîl Aslan û Cemîl Koçgîrîyî yê ‘Rû bi Rû’ vejîya
yekşem 26 adarê 2023 - 20:09
Hunermendan 3 serrî yo ke nê albumî ser o xebitîyayêne. Albumê ‘Rû bi Rû’yî ame weşanayene.
Albumê Mikaîl Aslan û Cemîl Koçgîrîyî yê ‘Rû bi Rû’ vejîya. Album, deyîyanê Kirmanckî, Kurmanckî, Ermenîkî, Tirkî û deyîrêka enstrumantale ra yeno pê. Albumo ke bi etîketê Kalan Muzîkî vejîya, 3 serrî de ame temamkerdiş.
Qey xatirê embaztîya 20 serran
Hunermendan metnê albumî de dîyar kerd ke, ê mabênê tradîsyon û newîtîye de cayêk de yê û înan va, “Ma baxçeyê dostî de terazîyo ke gulî bi gulan yenê setişî de ‘Rû bi Rû’ vindertê. No album o ke ma 3 serrî de hedre kerdo, danê xatirê embaztîya 20 serran.”
Şîîrê xeylê şaîran ameyê bestekerdiş
Albumî de şîîrê Dogan Munzuroglu, Cemal Taş, Selîm Temo, Cengîz Aslan, Eyşe Şewaqî, Îbrahîmê Xaşxaşe û Orhan Guldagî ca girewtê. Bi nameyê ‘Sasûn’î deyîreka Ermenîkî û 2 deyîrê enstrumantalî zî albumî de ca girewtê.
Konserê lansmanî yê albumî do 26ê Adare de bajarê Elmanyayî yê Russelsheimî de bêro dayene.
MERKEZÊ XEBERAN