Ayla Akat Ata: Şîdetê vera cinîyan polîtîk o

în 26 hezîranê 2020 - 10:33

  • Endama Ronayoxe ya Komeleya Cinîyan a Rosa Ayla Akat Ata vera tepişîyayîşê endamanê komele nêrazîbîyayîşê xo mojna û vat seba ke ê heqê xo yê rêxistinîye xebitnenê yenê hukmkerdene.

3 menganê peyênan de 70 cinîyî ameyî kiştene, kiştoxê înan vera dîyayî û rêxistinê cinîyan û destkewteyê înan bîyî hedef. Endama Ronayoxe ya Komeleya Cinîyan a Rosa û Parlamentera Verêne ya HDPyî ya Êlihî Ayla Akat Ata şîdet û hêrişê vera cinîyan ANFyî rê ercnayî.

Ayla ata Akat ard ziwan ke şîdetê vera cinîyan polîtîk o û vat: ''Ma ewro vînenê ke îqtîdarî seba ke verê kişîyayîşê cinîyan, şîdetê vera cinîyan bigêro çîyêk nêkeno. Esas de hem rayîr dano qirkerdişan hem zî çimê xo qefilnenê. Coka şîdetê vera cinîyan polîtîk o.  Bi serran o ke ma naye îfade kenê. Nika asta globale de reşwe yena nîqaşkerdene.  Têgêrayîşê Cinîyan ê Kurdîstanî bi hêzo tewr dînamîk ê nê prosesî. Ma eşkenê vajê ke têkoşînê azadîye yê cinîyan têkoşînêk o ke na cografya de tewr zaf destkewteyî qezenç kerdî. Esasê nê destkewteyan ser o Amed de cinîyî vejîyenî werte û vanê 'Hemserekîye xeta ma ya mor a.' 

Seba ke cinîyî destkewteyê bînî qezenç nêkerî polîtîkaya şîdetî û tedaya girane estê. Ma sey Têgêrayîşê Cinîyan ê Kurdan mîrasê têkoşînî qebul kenê û ma nê têkoşînî cografyaya xo de kenê pîl. Ma Mezopotamya de rêxistina verêne û destkewteyê verênî yê cinîyan vetî werte. Na zî hemserekî ya. Vera hemserekîye bêtehamulêko pîl esto.

Gulîstane Doku kotî de ya?

Ma seba ke destkewteyanê xo bipawê xo ver danê.Vera nê xoverdayîşî ê cinîyan nêhesibnenê, şidetê vera cinîyan nêvînenê. Çarçewa nê xoverdayîşî de ma persenê ke Gulîstane Dokuya e 170 rojan ra nata vînbîyaye ya kotî de ya. Seba ke verê fuhuşî bêro girewtene tewirê ma qetî yo. Ma wazenê ke heqê cinîyan bêrê pawitene û Peymana Îstanbulî bêra caardene.

Komeleya Cinîyan a Rosa roja destpêke ra nata vera şîdetê serê cinîyan têkoşîn kerd. Na komele merkezêk o ke cinîyî eşkenê xo biresnê  ci. Ma armanc kenê ke perwerde bidê komel ke şîdetê vera cinîyan biqedo.''

ANF

parvê bike

   

Yeni Özgür Politika

© Copyright 2020 Yeni Özgür Politika | Mafên belavkirinê parastî ne.