IGFM: Ganî Almanya vera hêrişan bêveng nêmana

• Yewîya Heqanê Merdiman a Mîyanneteweyîye (IGFM) hêrişê îşxalî yê dewleta tirke yê vera Başûrê Kurdîstanî şermezar kerdî û sere de Almanya, waşt ke welatê Ewropa vera nê hêrişan bêveng nêmanê.

Derheqê hêrişanê hewayî yê dewleta tirke yê vera Şengal, Mexmûr û Herêmanê Pawitişî yê Medya  de Medyaya IGFMyî eşkerayîyêke daye û hêrişî şermezar kerdî.

IGFMyî vist vîrî ke roja hêrişan de Wezîrê Karanê Teberî yê Tirkan û Almanan de pê telefonî pêvînayîş kerd û hêriş pêvînayîş de bi rojdem.

Endamê Heyetê Îdareyî yê IGFMyî Vasîlîst Pavegotî derheqê hêrişan û Tirkîya de nê çîyî vatî: ''Ganî Almanya vera sûcanê şerî û binpaykerdişê heqanê merdiman ê Tirkîya bêveng nêmana. Nê sûcî  Iraq û Sûrîye de yenê kerdene. Nê hêrişan de hêzanê PKKyî reyde êzidîyê ke destê DAÎŞî ra xelisîyayî benê hedef. Erdogan key hetê sîyasî û ekonomîkî ra teng bibo, hêrişê leşkerî keno. Nê hêrişî nênê qebulkerdene. Ganî mutefîqê Tirkîya nê hêrişan vindarnê.''