Kasirga: Seba ke Swêd uzrê xo biwazo

yekşem 21 hezîranê 2020 - 10:53

  • Serekê Koma Partîya Sosyale-Demokrate ya Karkeran a Şaredarîya Stockholmî Kadîr Kasirgayî ard ziwan ke seba ke Swêd semedê kişîyayîşê Palmeyî ra kurdan ra uzrê xo biwazo, ganî partî û dezgehê kurdî tewirêkê hemparî bimojnê.

Serekê Koma Partîya Sosyale-Demokrate ya Karkeran a Şaredarîya Stocklholmî Kadîr Kasirgayî derheqê babeta prosesê kişîyayîşê Palmeyî de ANFyî reyde qisey kerd.

Kasirgayî pare kerd ke kişîyayîşê Palmeyî seba kurdan netîceyê negatîfî viraştî û dewleta tirke seba ke kurdan û Têgêrayîşê Azadîye yê Kurdîstanî reş bikera no serebût bi serran xebitna. Kasirgayî vat: ''Kişîyayîşê Palmeyî ra dima xeylêk kurdî hedef bîyî. Mor dîya serebûtê kişîyayîşî ser ke seke kurdan û Têgêrayîşê Azadîye yê Kurdîstanî Palme kişt. Dewleta tirke pê nê serebûtî PKK pê terorîzm sûcdar kerd.''

Kasirgayî bale ante ser ke kombîyayîşê verênî de mabênê Wezîrê Karanê Teberî yê Swêdî Ann Linde û rêxistinanê kurdan de serebûtê kişîyayîşê Palmeyî kewt rojdem û vat: ''Birêz Wezîrî îfade kerd ke bêşansî ya ke kurdî seba kişîyayîşê Palmeyî ameyî sûcdarkerdene. Goreyê mi nê qiseyî girîng ê.

Seba ke Swêd bi hawayêkê fermîyî uzrê xo biwazo ganî rêxistinê kurdan ê Swêdî tewirêkê hemparî bimojnê. Goreyê çimdarîyanê mi sere de Federasyonê Kurdan, rêxistinê kurdan wazenê ke ganî na mesele ser o bêro vindartene. No seba kurdan firsendêk o û eke pîya têbigêrê beno ke Swêd uzrê xo biwazo.''

ANF

parvê bike

   

Yeni Özgür Politika

© Copyright 2020 Yeni Özgür Politika | Mafên belavkirinê parastî ne.