Başûrî de seba PKK 1 mîlyon îmzayî pêser bîyê

• Seba ke PKK mîyanê rêxistinanê qedexeyan ra bivejîya, Başûrî de 7 aşman de 1 mîlyon îmzayî ameyê pêser.

Seba ke PKK mîyanê rêxistinanê qedexeyan ra bivejîya, Başûrî de 7 aşman de 1 mîlyon îmzayî ameyê pêser.

Komîteyê pêserkerdişê îmzayan eşkera kerdo ke, seba ke PKK mîyanê rêxistinanê qedexeyan ra bivejîya, Kurdistanê Başûrî de 7 aşman de 1 mîlyon îmzayî pêser bîyê. Komîteyê pêserkerdişê îmzayan Silêmanîye de derheqê rewşe de kombîyayîşêk viraşt û malûmatî dayê çapemenîye.

Endamê komîteyî sîyasetmedar Mihemed Emîn Pênciwênîyî va, “Ma merhealeyo verên de eşkayê 7 aşmî de 1 mîlyon îmzayî pêser bikerê.  Mîyanê îmzakaran de xeylê roşnvîr, hunermend û sîyasetmedarî zî estê. Do pêserkerdişê îmzayan dewam bikero. Kampanyaya îmzayan do înternetî ser ra zî bêra akerdiş ke pêro welatîyî bieşkê bi asanî îmza bikerê. badê pêserkerdişê îmzayan, ma do muraceatê Mehkemaya Heqanê Merdiman a Ewrûpayî û Netewîyanê Yewbîyayîyan bikerê ke PKK mîyanê rêxistinanê qedexeyan ra bêra vetiş û rayber Ocalan bi fîzîkî azad bibo.”

Seba ke PKK mîyanê rêxistinanê qedexeyan ra bêra vetiş, 13yê Kanûne 2021î de bi hedefê 4 mîlyon îmzayan hetê Însîyatîfê Edaletî ra kampanyayêk ameybî dest pêkerdiş. Kampanya bi rayberîya 1000 roşnvîr, akademîsyen, sîyasetmedar, zanyar, hunermend û aktîvîstanê sosyalîstan ra ameybî dest pêkerdiş û hîna zî dewam kena.

Eynî kampanya 29ê Çele 2022yî de Kurdistanê Başûrî de bi rayberîya roşnvîr, sîyasetmedar û hunermendan ra ameybî dest pêkerdiş û hîna zî dewam kena.

ROJNEWS / SILÊMANÎYE