Berhemê fotografkaranê Rojavayî Rusya de bîyê beşdarê pêşengeyêk. Pêşangeye do heta 7ê Tebaxe akerdî bimana.
Bi ser nameyê Nûnertîya Îdareyê Xoserî yê Bakur û Rojhelatê Sûrîyeyî yê Federasyonê Rusyayî, hunermendê Kurdî beşdarê pêşangeya mîyanneteweyî ya ke Galerîya Tretikovskayî de abîya benê.
Na pêşangeye bi paştîdayîşê Beledîyeya Moskova, Yewîtîya Hunermendanê Rusyayî û Yewîtîya Avrasya ya Hunerî ra yena viraştene.
Pêşengeye do 31ê Temûze ra heta 7ê Tebaxe akerdî bimana. Aşma Gulane de fotofkaranê Kurdan Alan Roj û Rodî Tahloyî bi fotografanê xo musabeqaya fotografan a Petersbûrgî de xelata 2yine û 3yine girewtibî.
Xebatê hunermendanê Bakur û Rojhelatê Sûrîyeyî yê ke pêşengeyanê Rusyayî de yenê nîşandayîş, seba daşinasnayîşê Îdareyê Xoserî zaf muhîm ê û hetêko bîn ra îmkan danê ke hunermendê Kurdî veng û huneranê xo birasnê teberê welatî.
XWEBÛN