Rojawanê Kurdistanî bala sûrîyeyijanê bînan anjeno

Rojawan hem hetê cuya hempare hem hetê kulturê şorişgêrî ra xeylê bala şaran anjeno. Na çarçewa de şaristananê Sûrîye yê b3inan ra zî tayê keyeyî bar kenê bi Rojawanî.

Salîho hamayij serra 2015î de qezaya Rimêlanî ra vejîya û Rojawan de ca bî.

Xeylêk sûrîyeyîjî seba cuyêka hîna bihêvîye koçê Rojawanê Kurdistanî kenê. Salîh Hisên Xidir zî nînan ra yew o ke şaristanê Hama yê Sûrîye ra yo. Salîho ke 57 serre yo û babîyê 8 domanan o karê serayan keno. O Kooperatîfê Zîretî de cinî û kênaya xo reyde xebitîyeno.

Salîhî da zanayene ke o 1998 de Tartus de cabîyo la bombardumanan ra dima kampêka Îdlîbî de cabeno. Salîhî vat: “Lajêkê mi Rojawan de bî. Ma şertanê kampe ra 2015 de ameyî Rimêlan, Rojawan. 2016 ra nata ez serayan de xebitîyena. Seba ke tîya de cuyêka aram û asayî est a ma ameyî tîya. Bi serayan Rojawan de îthalat kêmîya. La ganî karê serayan hîna bêrê averberdene. Ma bi karê serayan şarê xo rê bi erjanî meywe û sebzeyan resnenê.”

Salîhî îfade kerd ke keyeyê ci zî Rojawan de pê rewşa xo kêfweş o û vat: “Ma gêrayêne cayêkî ke tede nefes bigêrê. Rojawan de ma no dî. Seba asayîşê domananê xo ma Rojawanî ra holêr cayêk nêdî. Ma nê kooperatîfî de 6 keyeyan xebitîyenê û bi paştdayîşî cuyêka arame domînenê.”

XWEBÛN