Colemêrg adresê çareserîye ramojna: Îmrali

Colemêrg de bi beşdarîya hezaran Newroze ameye pîrozkerdene. Sey adresê çareserîye Îmrali ame ramojnayene.

Colemêrg de bi beşdarîya hezaran Newroze ameye pîrozkerdene. Welatîyan bi kinc û kolanê renginan meydanê Newroze xemilna. Tayê esnafan kepengê xo anêkerdê û berpirsîyarîyan kince sîyayî dayê xo ra. 

 Çerxa Şoreşê

Hetê ciwanan ra sloganê ‘Bijî Serok Apo’ û ‘Bê Serok jiyan nabe’ ameyê eştene. Bernameyê Newroze bi payravdertişê hurmetî dest pêkerd. Wextê payravintertişî de hetê ciwanan ra marşa Çerxa Şoreşî ameye vatene.

Bernameyê Newroze de Parlamenterê HDPyî yê Colemêrgî Saîd Dede qisey kerd û va, “Tehamulê înan vera sîyasetê demokratîkî çin o. Cayêk de faşîzm bibo, vera ci xoverdayîşêk zî beno. Birêz Ocalanî ser de 24 serrî yo tecrîd yeno ramitene. No tecrîd pêro şaran ser o yeno ramitene. Ganî Birêz Ocalan cade qisey bikero.”

Beştaşe: Ma do ameyoxî awan bikerê

Serekwekîla Grûba HDPyî Meral Daniş Beştaşe zî qisey kerd û va, “Ma ganî ewro vajê tecrîdî wedarê, beranê Îmraliyî akerê. Ma do înan ra hesab bipersê û înan bierşawê. Ma do pîya ameyoxî awan bikerê. Wazenê Birêz Ocalanî şarî ra dûrî bifînê. Kurdî çirey Birêz Ocalanî xo vîr ra nêkenê. Berê Îmraliyî berê haştîye yo. Mefteyê beranê Îmraliyî destê şima de yo. 

Dima mesajê Hemsereka Beledîyeya Colemêrgî Dîlek Hatîmoglûye ya ke girewtî ya ame wendene. Dima adirê Newroze ame wekerdene û hetê Koma Sorjîyanî ra deyîrî ameyê vatene û bernameyê Newroze ame qedînayîş.

MA / COLEMÊRG