KNK: Ganî yewîtîya neteweyî bêra xurtkerdene

• KNKyî va, “Ganî Kurdan mîyan de yewîtîya neteweyî bêra awankerdiş û bêra bihêzkerdiş. Ma ganî na serre bikerê serra azadîye.”

Hetê KNKyî ra derheqê Newroze de mesajêk ame weşaneyene.

Newroze seba kurdan yena vateyê xoverdayîşî. Hetê KNKyî ra derheqê Newroze de mesajêk ame weşanayene. KNKyî mesajê xo de va, “Ganî Kurdan mîyan de yewîtîya neteweyî bêra awankerdiş û bêra bihêzkerdiş. Ma ganî na serre bikerê serra azadîye.”

Malûmatê KNKyî de ame vatiş ke, “Newroze, bingeyê xo vera zulmî xoverdayîşî ra gêno. Şarê Kurdî bi serran bi kede û fedakarîye Newroze çarna roşanê şarî.”

4 lete de adirê Newroze berz beno

Ame dîyarkerdiş ke, Kurdî her ca de û her war de xo ver danê û ame vatiş ke, “Ewro Kurdistan de adirê Newroze berz beno. Rojava de Newroze bi resmî yena pîrozkerdene. Rojhelat û Bakur de Newroze bi vateyê xo tarîxîyî yena pîrozkerdene. Adirê Newroze hîna gir berz beno.”

Wazenê Kurdistanî lete bikerê

Malûmatî de ame vatiş ke, “Dişmenê ma her het ra hêrîşe kenê. Bitaybetî dewleta Tirke seba ke destkewteyanê maç in bikera hêrîşanê xo ramnena. Îran zî şarê ma û aktîvîstan hedef geno. Kurdistanê Başûrî de statûyêk esto la problemî dewam kenê. Dişmenî wazenê nê statûyî çin bikerê. Seba ke destkewteyê Rojavayî bêrê çinkerdiş, Tirkîya hêrîşanê xo ramnena. Rejîmê Sûrîyeyî zî firsend paweno. Emser hetêk ra zî se serrê Lozanî qedîyayê. Dişmenê ma wazenê no muqavele sena serre dewam bikero. Ma wazenê qeydeyanê nê muqaveleyî çin bikerê. Ma ganî vera plananê dişmenan yewîtîya xo xurt bikerê û na serre bikerê serra yewîtîye.”

Gazîya yewîtîya neteweyî

Peynîya malûmatî de ame vatiş ke, “Ganî vera îşxalkaran tedbîrî bêrê girewtene, hêzê pawitişî bêrê xurtkerdene. Ganî destkewteyî bêrê pawitene û destkewteyê bînî bikewê dest. Bi na rastîye ganî mabênê Kurdan de yewîtîya netrweyî bêra awankerdene û xurtkerdene. Çi beno wa bibo, ma ganî emserî bikerê serra azadîye.”

MERKEZÊ XEBERAN