Dayîkê Haştîye yê Wanî: Ma do vera tecrîdî waranê Newroze de bê

RÛKEN POLAT / MA / WAN

Newroza emserî do 43 merkezan de bêra pîrozkerdiş. Dayîkanê Haştîye yê Wanî dîyar kerd ke, ê do vera tecrîdî waranê Newroze de ca bigerê.”

Dayîkanê Haştîye yê Wanî dîyar kerd ke, ê do vera tecrîdî şorê waranê Newroze. Dayîkanê Haştîye ra Zekerîya Kayaye dîyar kerd ke, emser Newroze bi xemgînîya erdlerze ameye. Kayaye va, “Ez veng sa pêro cinîyan dana. Wa kincanê xo bidê x ora bêrê waranê Newroze. Newroze do biba wesîleya yewîtîye. Însananê ma bedenê xo vêşna û ê ma rê bîyê sembol. Ez hêvî kena w ana Newroze biba vengê haştîye.”

‘Ma seba Serokatî şonê’

Dayîkan ra Asya Ozluye va, “Na Newroze do azadîya Serokatîyî xo reyde biyara. Ez her serre bi heyecan şona Newroze la emser xemgînîya erdlerze esta. La reyna zî şarê ma do meydananê Newroze pirr bikero.”

Besna Aydogane va, “Ez Newroza Serokatî û pêro girewteyan pîroz kena.” Dayîkan ra Perîşan Arslane zî va, “Newroza emserî zaf muhîm a. Coka ganî şarê ma meydanan pirr bikero. Ez hêvî kena Newroze do bibo wesîleyê wisarî û haştîye.”