Îstanbûl de Nobeta Edaletî dest pêkerde

Rayberîya MATUHAYDERî Îstanbûl de Nobeta Edaletî dest pêkerde.

Rayberîya MATUHAYDERî de Îsatanbûl de Nobeta Edaletî dîyaye dest pêkerdene. Awanîya DEM Partîye ya Bagcilarî de eşkerayîye ameye dayene. Merdimê girewteyan, dayîkî, Hemserekê DEM Partîye yê Îstanbûlî Gonca Yangoz û Murat Kalmazî û temsîlkarê partîyan bîyê beşdarê eşkerayîye.

‘Azadîya fizîkî ya Birêz Ocalanî waştişê ma yo bingeyî yo’

Hemserekê DEM Partîye ya Îstanbûlî Murat Kalmazî va, “Ma seba ke vengê girewteyan berz bikerê û waştişî bêrê caardene nobeta xo daye dest pêkerdene. Azadîya fizîkî ya Birêz Ocalanî waştişê ma yo bingeyî yo. Bêçareserîye û polîtîkayê şerî girêdayeyê nê tecrîdî yê. Heta tecrîd meyero wedartene do no şer meqedîyo. Prosesê çareserîye gamêka muhîm bîye. Seba çareserîye ganî Birêz Ocalan muxatab bêro girewtene.”

Ganî polîtîkaya tecrîdî bêra wedartene

Hemsereka MAHUHAYDERî Dîlek Demîre va, “Hepisxaneyanê Tirkîya û Kurdistanî de girewteyî kewtê grevê vêşanîye. Grevanê verênan de xeylê girewteyan weslê xo cuya vîndî kerdê. Ma nêwazenê reyna eynî çîyê bibê. Ganî Îmrali de û hepisxaneyanê bînan de tecrîdî bêrê wedartene. Ma qesewet kenê ke trajedîyî biqeqimîyê. Ganî pêro sazîyê komelê sivîlî ver ana bêhiqûqîye veng bikerê. Ganî hetê îqtîdarî ra waştişê girrewteyan bêrê caardene. Sey MATUHAYDERî ma zî waşt seba ke paştî bidê girewteyan , seba wedarnayîşê tecrîdî û seba çareserîya meseleya Kurdan dest bi Nobeta Edaletî kerd.”

MA / ÎSTANBÛL