Dîwanê Edebîyatî: Ma do seba cinîyan kargehan bivirazê

Bakûr û Rojhelatê Sûrîyeyî de reya verêne emser Hefteyê Edebîyatî ame viraştene.

Netîceyê Hefteyê Edebîyatî hetê Verfeka Dîwanê Edebîyatî Nerîman Evdikê ra ameyê erjnayene. Nerîman Evdikê va, “Emser ma waştêne xeylê edebîyatkar û roşnvîrî beşdarê Hefteyê Edebîyatî bibê la beşdarîye goreyê zerra ma nêbî. Ma hêvî kenê xebatanê bînan de beşdarîye zêdîyena. Ma do demêkî nêzdîyî de semedê şinasnayîşê Edebîyatê Cinîyan kargehêk bivirazê. Ma wazenê nuştoxê cinîyî yê ciwan û neweyî beşdarê kargehe bibê. Ma do na kargehe reya verêne bivirazê.”

Nerîman Evdikê derheqê beşa rexneyan de va, “Berhemê ma yê edebîyi do bêrê rexnekerdiş û erjnayîş. 15 rojan de de reyêk do berhemêk bêro weçînayîş û hetê endamanê dîwanî ra bêro rexnekerdiş û erjnayîş. Eynî dîwan do Kobanîyî de zî bêro viraştene. Erjnayîşî do sey meqaleyan bêrê nuştiş û dima do bêrê weşanayîş.”

ANHA / QAMIŞLO