DJVyî rojnamegerî hişyar kerdê: Meşorê Tirkîya

Yewîtîya Rojnamegeran a Elmanya, rojnamegerî hişyar kerdê ke wa seba kar û gêrayîşî meşorê Tirkîya.

Yewîtîya Rojnamegeran a Elmanya(DJV)yî, rojnamegerî hişyar kerdê ke wa seba kar û gêrayîşî meşorê Tirkîya. Serekê Pêroyî yê DJVyî rojnameger Frank Uberallî, binçimgirewtişê parlameterê Elmanya Gokay Akbulutî ard vîr û va, “No hedîseyo peyên ramojneno ke otokrasîyê Erdoganî rexnekerdoxan sey ‘dişmenê dewlete’ ramojneno.”

Derheqê binçimgirrewtişê Akbulutî de Uberallîyî va, “Eke destpanênayîş nêşkeno parlamenterêk bipawo, no zî ramojnenno ke seba rojnamegeran talukeyêko pîl esto. Eke rojnamegerek xebera xo de û medyaya sosyale de Erdogan û AKP rexne kerdo wa meşêro Tirkîya. 

Parlamenterê Elmanya Gokay Akbulut 3yê Tebaxe de kewtibi Tirkîya û gêrîyabi binê çimî. Ame dîyarkerdiş ke Akbulutî 2019 de medyaya sosyale de çend parekerdişî kerdê û coka gêrîyayo binê çimî. Akbulutî dîyar kerd  ke Tirkîya de demokrasî nêmendo û reyna dîyar kerd ke bi nê kerdenan o zo game tepîya meerzo.

MERKEZÊ XEBERAN