DW: DAÎŞ Tirkîya de organîze beno gelo?

• Awiqata qetlîamê Garî Îlke Işik: Çorûm de endamê DAÎŞÎ ser de vîdeoyêk ame dîyayene û video de bi hezaran endamê DAÎŞî asenê û ameyo tespîtkerdiş ke tayê înan Tirkîya de yê.

Dw Tirkî bi sernameyê ‘DAÎŞ Tirkîya de organîze beno gelo?’yî nuşteyêk weşanayo.

4ê Temûze de Îstanbûl de operasyonê DAÎŞî virazîya û 19 kesî gêrîyayê binê çimî. Înan ra 4 kesî Tirk ê û ê bînî xerîb ê û Îstanbûl de karanê cîyayan de xebitîyenê. Mîyanê înan de edîtorê qanalêkî Iraqî zî esto.

DW Tirkî ra Alîcan Uludagî înan ser o nuşteyêk nuşto. Xebere de video ke Çorumî de kewtibi destî ser de yeno vindertiş û bi goreyê video xeylê endamê DAÎŞî Tirkîya de yê. 

‘Wîlayetê Tirkîya’

Xebere de nîya yeno vatene: “Gelo badê binkewtişê Sûrîye DAÎŞ Tirkîya de organîze beno? Awiqata qetlîamê Garî Îlke Işik vana, “DAÎŞ badê binkewtişê Sûrîye dilqê xo bedilna. Çorûm de endamê DAÎŞÎ ser de vîdeoyêk ame dîyayene û video de bi hezaran endamê DAÎŞî asenê û ameyo tespîtkerdiş ke tayê înan Tirkîya de yê. Serekê DAÎŞî Ebubekîr Bagdadî mergê xo ra ver vîdeoyêk antibi û serê broşurê destê ey de ‘Wîlayetê Tirkîya’ ameyêne nuştiş.”

Qetlîamê Garî

Awiqata qetlîamê Garî Îlke Işik vana, “Ma mehkemaya qeltîame Garî de goş na vateyê xeylê endamanê DAÎŞî ser. Goreyê înan badê binkewtişê Sûrîyeyî seba înan cayo tewr baş Tirkîya bî.” 10 Teşrîna Verêne 2015î de DAÎŞ Enqera de Mîtîgê Aşîtîye de qetlîamêk viraştibi û 103 kesî ameybî qetilkerdiş. 

‘Taluke pîl o’

Xebere de ame vatiş ke, 2021î de îdarekarê DAÎŞî Kasim Gulerî ser ra krokîyêk vejîyabi. Nê krokîyî ra ameyêne famkerdiş ke DAÎŞ Tirkîya de 6 bajaran de çekî kom kerdê. Aqiqate Îlke Işik va, “Dosyaya qetlîamê Garî zaf muhîm a. Eke wezaretîya karanê zereyî samîmî ya, wa derheqê fîrarîyanê qetlîamê Garî de çîyêk bikera. derheqê dosyaya ma de hema zî çîyêk nêameyo kerdene. 16 fîrarîyê qetlîamê Garî hema zî nêameyê tepiştiş.”

MERKEZÊ XEBERAN