Festîvalê Derhêneranê Cinîyan ê Mîyannetewî yê 5in dest pêkerd
çarşem 2 adarê 2022 - 21:35
Merasîmê Festîvalê Derhêneranê Cinîyan ê Mîyannetewî yê 5inî Izmîrî de virazîya.
Festîval hetê Komeleya Derhêneranê Cinîyan ra yeno organîzekerdiş. Merasîmê destpêkî bi paştîdayîşa Beledîyeya Bajarê Pîlî ya Izmîrî Merkezê Ahmet Adnan Saygûnî de virazîya. Festîval bi qiseykerdişê endama Komeeya Derhêneranê Cinîyan a Gulten Tarançe dest pêkerd û bi konsere orkestrayî dewam kerd. Merasîmê destpêkî de, Xelata Serkewtişî ya Akademîye dîyaye Dr. Burcû Dabake. Xelata Serkewtişî ya Derhênerîye zî dîyaye derhênera Îranija Nergîs Abyare. Festîvalî de do 28 welatan ra 98 fîlmî bêrê mojnayene. Festîval do mabeynê 27ê Sibate û 8ê Adare de Izmîr û onlîneyî ser ra pêro Tirkîya de bêro viraştene.
IZMÎR