Festîvalê Fîlmanê Kurdan ê Berlînî dest pêkeno

Festîvalê Fîlmanê Kurdan ê Berlînî do bi beşdarîya sînemakaranê Kurdan, fîlmanê Kurdan pêşkêşê temaşekaran bikero.

Festîvalê Fîlmanê Kurdan ê Berlînî, serran ra nat sînemakaranê Kurdan ano têhet. Festîval do emser raya 12ine bivirazîyo û 13ê Teşrîna Verêne ra heta 19ê ci dewam bikero.

Emser niqtaya baleantişî ya festîvalî ‘Rojava’ yo. Festîval de do fîlmê Rojavayî bêrê ramojnayene. Xoverdayîşê Rojavayî û xoverdayîşê cinîyanê Rojavayî do bêrê ramojnayene. 

Bernameyê festîvalî xeylê dewlemend o

Festîval de do xeylê warê hunerî bêrê têhet û bi konseptêkî xurtî bêrê pêşkêşkerdiş. Fîlmê kilmî û dergi do bêrê ramojnayîş. Înan ra teber, belgefîlmî do bêrê ramojnayene, pêşengeyî bibê, fîlmê domanan ê bi Kurdkî bêrê ramojnayene û musabeqaya fîlmanê kilman do bêra viraştene.

 Tedeyîya festîvalî de, musabeqaya fîlmanê kilman do bêra viraştene. Bin a musabeqaye do berhemê neweyî bêrê pêşkêşkerdiş û firsend bidîyo sînemakaranê ciwanan. 

MERKEZÊ XEBERAN