Gronzî de 2 xelatî dîyayê fîlmê “Elîf Ana”

Festîvalê Fîlmî yê Şovalyeyê Zernênî yê Mîyannetewîyî de 2 xelatî dîyayê fîlmê Kazim Ozî yê “Elîf Ana”.

Festîvalê Fîlmîyê Şovalyeyê Zernênî, emser bajarê Rûsya yê Gronzî de ame viraştene. Festîval emser reya 33yin ame viraştene û hetê jurîyan ra xelatî ameyê dayene.

Fîlmê “Elîf Ana” xelata taybetî ya jurîyî girewte. Sewbîna, xelata organîzasyonê festîvalî zî dîyaye fîlmê “Elîf Ana”. Derhênerîya fîlmî hetê Kazim Oz û Semîr Aslanyurekî ra ameye kerdene. 20 welatan ra derhênerî bîyê beşdarê festîvalî. Derhêneranê fîlmî ra Semîr Aslanyurek zî bi beşdarê festîvalî û bi nameyê ekîba fîlmî orzanîzasyonê festîvalî rê sipas kerd.

Babeta fîlmî

Fîlm behsê cuya Elîf Surganî keno. Elîf Ana, 1903yî de Mereş Bazarcix de dewa Pulyan de ameya dinya. Fîlm de holîyê ke hetê aye ra cuya ci de ameyê kerdene û xirabîya ke rojanê aye yê peyênan ci rê bîya yenê ramojnayene.

MERKEZÊ XEBERAN