Frankfurt de Rojê Fîlmanê Kurdan

• Festîvalê Fîlmanê Kurdan ê Frankfurtî dest pêkeno. Festîval do heta 18ê Çeleyî dewam bikero.

Festîvalê Fîlmanê Kurdan ê Frankfurtî tewr peynî 2020î de amebi viraştene. Pandemîyî ver çend serrî yo ke nêvirazîyeno û festîvalê emserî dest pêkeno. Festîval, hetê TekoJIN û Meclîsa Cinîyan a Amarayî ra ameyo organîzekerdiş. Festîval do heta 18ê Çeleyî dewam bikero û fîlmî do Frankfurt de eywana Film Form Hochstî de bêrê ramojnayene.

Aktîvîstanê TekoJINî ra Zozan Olbistane dîyar kerdo ke, ê bi Komuna Fîlm a Rojavayî reyde xebitîyenê û her kesî silaynaya festîvalî.

Akerdiş bi ‘Kobenê’ yeno kerdene

Festîval do bi fîlmê ‘Kobanê’ bêro akerdene. Derhênerîya fîlmî hetê Ozlem Yaşare ra ameya kerdene. Fîlmê behsê xoverdayîşê Kobanîyî keno. Dima belgefîlma ‘Hepis yan zî Surgun’ bêra ramojnayîş. Belgefîlm derheqê sîyasetmedaranê HDPyijan de ya.

Êzmûn

Fîlmê Shawkat Amîn Korkî ‘Ezmûn’ do 14ê Çeleyî de bêro ramojnayîş. Fîlm behsê nêteduştîya cinsî û problemanê îdareyê Kurdistanê Başûrî keno. Fîlm Festîvalê Karlavy Varyî de xelata FISRECCI girewte.

Demê Dirrikan

Fîlm romanê otobîyografîkî yê Murat Turk o ke zindan de yo ra ameyo antene. Derhênarîya fîlmî hetê Haşîm Aydemîrî ra ameya kerdene. Fîlmê ‘Demê Dirrikan’ do festîvalî de vejîya verê temaşekerdoxan.

Berfîn

Berfîn, behsê gêrayîş, şer, hesret û xoverdayîşê gerîlayêke keno. Fîlm hetê ekîba Sîne Çîyayî ra ameya hedrekerdiş. Ekîbe wazena prosesê sînemaya koyî û vengê ci biramna. Derhênerîya fîlmî hetê Ozlem Arbeza ra ameya kerdene.

Nûjiyan

Belgefîlma ke behsê cuye û xoverdayîşê rojnamegere Nûjiyan Erhan a ke Şengal de hetê PDK ra ameye qetilkerdiş keno do bêra ramojnayene. 

Hêza

Festîvalî do tewr peynî de fîlmê ‘Hêza’ bêro ramojnayîş. Suad Murad Xelefe fermanê Ezidîyan ê 3yê Tebaxe 2014î de bi keyeyê xo reyde hetê DAÎŞî ra ameybî remnayene. Ma fîlmî de hîkayeya aye temaşe kenê.

FRANKFURT