Festîvalê Fîlman ê Kurdan qedîya

Nûçeyên Çand/Huner

çarşem 30 adarê 2022 - 17:59

Festîval hetê Kolektîfê Sînemaye yê Merkezê Kulturî yê Mezopotamyayî ra amebi organîzekerdiş. Festîvalê emserî 6 rojî dewam kerd, xeylê fîlmî ameyê mojnayene û şar elaqeyêko pîl mojna ci.

Festîvalê Fîlman ê Kurdan ê Îstanbûlî yê 2yinî bi fîlmê ‘Namo’yî qedîya. Verê mojnayîşê fîlmî, Kolektîfê Sînemaye ra Adar Taşî bi Kurdkî, Hebûn Polatî zî bi Tirkî derheqê festîvalî de malûmatî dayê. Înan va, “Fîlmanê emserî de babetê sey; felsefe, tarîx, cinî, xoza û xeylê babetê bînî vejîyayê ver. Sînemakaro Kurd Yilmaz Guneyî vatibi “Ma do serbikewê” û vere kameraya xo çarnabi welatê xo. Ma zî bi eynî meqsed festîvalê xo viraşt. Înan ke paştî dayo ma û bîyê destegîrê ma, ma înan rê zaf sipas kenê.” 

Qiseykerdişan ra dima fîlmê ‘Namo’yî ame mojnayene. Fîlmî ra dima, dernênerê fîlmî Nader Saeîvarî hîkayeya fîlmî ser o qisey kerd. Badê ey ra temaşekerdoxan fîlmî ser o fîkrê xo vatê û derhênerî rê persî persayê. Sohbetêkî kilmî ra dima festîvalê emserî qedîya.

MA / ÎSTANBÛL

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.