Fîlmê ‘Ferîşteyê Sîncarî’ 2 xelatî girewtê

Nûçeyên Çand/Huner

yekşem 13 adarê 2022 - 20:22

  • Netîceyê Festîvalê Fîlman ê Heqanê Merdiman ê Mîyannetewîyî eşkera bîyê. Fîlmê Hanna Polakî yê ke herheqê qetlîamê Êzidîyan de ya 2 xelatî girewtê.

RUŞTU DEMÎRKAYA - MA/CENEVRE

Festîvalê Fîlman ê Heqanê Merdiman ê Cenevreyî na serre reya vîstine virazîyeno. Fîlmê ke emser festîvalî ra xeatî girewtê, bi malûmatêkî çapemenîyî ameyê eşkerakerdiş. Dîrektora festîvalî Issabella Gattîker va festîvalê emserî de 118 çalakîyî virazîyayê û 28 hezar mêmanî ameyê festîval. Festîval 13ê Adare de qedîyeno la fîlmî onlîneyî ser ra do heta 20ê Adare bêrê mojnayene. Emser fîlmê ke xelatî girewtê, Lîbya, Kosova, Kurdistan, Hindîstan û fîlmê Îranî bîyê. Festîvalî de fîlmê Hanna Polakî yê ‘Ferîşteyê Sîncarî’ û fîlmê Anaîs Taracenayî yê ‘El Silencio Del Topo’yî xelata ‘Gilda Vieira de Mello’yî û xelata jurîya mîyannetewîye girewtê.

Xelata jurîyan a belgefîlman dîyaye fîlmê Lîbyayî yê ‘Şorişêkî ra Dima’yî. Xelata Gilda Vieira de Melloyî dîyaye fîlmo ke behsê qetlîamê Êzidîyan kenoyî yê ‘Ferîşteyê Sîncarî’yî. Xelata Jurîya Ciwanîye dîyaye fîlmê ‘Şeytanê Neasayeyî’yî. Xelata pêardişî dîyaye fîlmê Kaltrîna Krasnîqî yê ‘Vera Dreams of the Sea’yî û fîlmê kilmî yê Gessica Geneusî yê ‘Freda’yî. Xelata rojê bandorkerdoxan dîyaye fîlmê Zhanna Dovhych yê ‘Seba Nînaye Haştîye’yî. Xelata açarnayîşî ya Sublimages Awardî dîyaye fîlmê Anne Recalde Mîranda ‘Şerê Serdinî ra Ver bi Şerê Keskî’yî. Xelata Artopîye zî dîyaye fîlmê Franz Bohmî yê ‘Domanê Ameyoxê Delalîyî’yî.

 

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.