Forûmê Cinîyan ê Rojhelatê Mîyanênî do 22-23yê Temûze de bêro viraştene

Forûm do hetê Kongra Starî ra bêra viraştiş û Şorişê Rojavayî bida şinasnayîş.

Forûmê Cinîyan ê Rojhelatê Mîyanênî do 22-23yê Temûze de bêra viraştene. Forûmî de do Meclîsa Cinîyanê Surnanîyan, Meclîsa Cinîyan a Rojavayî, Meclîsa Cinîyan a Sûrîyeyî, Kovara Jîneolojî, Kongra Star û YPJ beşdar bibê û Rojhelatê Mîyanênî ra cinîyî do bêrê silaynayîş.

Forûm do 5 beşan ra pêbêra û kargehî do bêrê viraştene. Bi nê forûmî do Şorişê Rojavayî bêro şinasdayîş, tecrubeyê şorişî bêrê parekerdiş û seba problemanê cinîyan çareserîyî bêrê qiseykerdiş.

Endama Kongra Starî Rûken Ehmed va, “Ma wazenê şorişî bidê şinaşdayîş. No şoriş tena yê Kurdan û cinîyanê Kurdan nîyo. Ma wazenê Rojhelatê Mîyanênî ra cinîyî beşdarê forûmî bibê. Seba ke Sûrîye de şer esto, cinîyê tîyayî do bi telekonferansan beşdar bibê. Şorişê ma mîrasê pêro cinîyan o.”

NÛJINHA / QAMIŞLO