Endama Meclîsê Cinîyan ê HDPyî Elîf Bulute îfade kerd ke meseleyê cinîyan Îran û Tirkîya de manenê yewbînan û wina vat: “Tena Îran de bi qanûnan, bi hawayêkê fermî no yeno kerdene.”
Îran û Rojhelatê Kurdistanî de çalakîyê vera qetilkerdişê Jîna Emînî dewam kenê. Endama Meclîsê Cinîyan ê HDPyî Elîf Bulute derheqê babete de ANFyî rê qisey kerd.
Bulute dîyar kerd ke îqtîdarê camêrdan xîret kenê ke bi metodanê zorbazan cinîyan îdare bikerê û vat: “Sere de Tirkîya îqtîdarê welatanê otorîteran ê sey Îranî xîret kenê ke cinîyan dîzayn bikerê. Tena Îran de nê Tirkîya de, Ewropa de û her ca de îqtîdarê camêrdan tedaya cinîyan kenê. Îran de serewedaritişê şarî tena vera qetilkerdişê cinîyan dest pênêkerd. Ganî ma welatê xo de zî vera qetilkerdiş, tepiştiş û surgunan seba vurnayîşê sîstemê camêrdan têkoşîn bikerê.
Îran û Tirkîya de meseleyê cinîyan sey ci yê. Tena Îran de bi qanûnan, bi hawayêkê fermî no yeno kerdene. Tirkîya de tedaya vera cinîyan nêasena. Ma bi vateyanê ‘Ti kêna ya, rind ronişe, bi vengêkê berzî qisey meke’ benê pîl. Îqtîdaro winasên est o ke nê hêrsê vera cinîyan zêdîneno. Derdê nê îqtîdarî no yo ke cinîyî domanan bîyarê, goreyê înan têbigêrê. Her roje nê welatî de tewr tay 3 cinîyî yenê qetilkerdene.”
Bulute ard ziwan ke cinîyê kurdî xoverdayox û çêr ê û têkoşînê înan ê vera DAIŞî zî mîsalê ney o tewr pîl o. Bulute bale ante ser ke îqtîdarê AKPyî yê 20 serran de cinîyan bedelê giranî dayê û vat: “Seba AKPyî cinîyê mehqûl û cinîyê nemehqûlî est ê. Nê cinîyê nemehqûlî êyê ke vera AKPyî têkoşîn kenê, xo ver danê. Coka AKP vera nê cinîyan hêrişan keno. Parlamenterê ma yê cinîyî zîndan de yê û vera înan nêzdîbîyayîşê cîyakerî est ê. Cezayê ke dîyayê Aysel Tûglûke, Semra Guzele, Leyla Guvene îsbatê ney ê.”
XWEBÛN
parvê bike
Nûçeyên ku dikare bala we bikşîne
