Galaya belgefîlma ‘Qet’î ameye viraştene

Belgefîlme cuya Ahmet Onderî ser o ameya viraştene. Onder seba eskerîye ra fîrar kerdibi belgeya ‘Bêwelat’î dîyaybî ci.

Galaya belfefîlma ‘Qet’î Dîyarbekir de ameye viraştene. Belgefîlme behsê cuya Ahmet Onderî kena. Ahmet Onder seba ke eskerîye ra fîrar kerdibi belgeya ‘Bêwelat’î dîyaybî ci. 

Ahmet Onderî 1994î de eskerîye ra fîrar kerdibi. Onder hetê Wezaretîya Karanê zereyî ra hemwelatîye ra amebi vetiş û belgeya ‘Bêwelat’î dîyaybî ey. Ahmet Onder nika 56 serrî yo û cuya ci bîya belgefîlme. Derhênarîya belgefîlme hetê Fuat Bulutî ra ameya kerdene.

Galaya belgefîlma ‘Qet’î Dîrabekir de otelêk de ameye viraştene. Parlamenterê HDPyî Garo Pylan, Hemserekê Beledîyeya Bismilî Orhan Ayaz û Gulşen Ozer û xeylê kesî beşdarê galaya belgefîlme bîyê.

Belgefîlme Festîvalê Fîlmanê Kilman ê Dîyarbekirî yê Mîyannetewîyî de bîya fînalîste. Festîval do mabênê 12-15ê Teşrîna Verêne de bêro viraştene. Reyna belgefîlme do sey belgefîlma fînalîste Festîvalê Filmanê Kurdan ê Berlînî de 19ê Teşrîna Verêne de bêra ramojnayene.

MA/AMED