Fîlmê ‘Kobanê’yî reya verêne Kobanî de ame ramojayene

Fîlmê ‘Kobanê’ yo ke behsê xoverdayîşê Kobanîyî keno, reya verêne Kantonê Kobanî de ame ramojnayîş.

Xoverdayîşê Kobanîyî xeylê şîîran rê, hîkayeyen rê, romanan û fîlman rê bi çimeyê îlhamî. Xebatê fîlmê ‘Kobanê’yî 2 serrî verî cû hetê Koma Fîlmî ya Rojavayî ra ameyê dest pêkerdiş. Fîlm behsê xoverdayîşê YPJ û YPGyî keno û 2 saaete û nîm dergîya ci esta. Fîlmê ‘Kobanê’yî reya verêne Kobanî de ame ramojnayene. Fîlm Merkezê Kultur û Hunerî yê Baqî Xidoyî de ame ramojnayîş û bi seyan kesî beşdarê ramojnayîşî bîyê.

‘Fîlmêko wînasî de kaykerdiş seba mi şansêko pîl bi’

Tîyatrokara Efrînije Zeyneb Mihemmed a ke kaybaza fîlmî ya va, “Ez reya verêne fîlmêko winasî de kay kena. Seba mi asan nêbi ke, ez şerwanêka YPJyî kay bikerî. Xoverdayîşê Kobanîyî pêro dinya de veng da û fîlmêko winasî de kaykerdiş seba mi şansêko pîl bi. Mi ramojnayîşo verên de ca girewt. Raşta zî hîsê zaf cîyayî mi de peyda bîyê. Hîsê Kobanîyihan helbet zaf cîya yê. Çunke înan dej ant, bîyê şa û bîyê birûmet. Senî ke şerwanan wezîfeyê xo ard ca, ma zî bi fîlmê xo waşt wezîfeyê xo cabiyarê.”

NÛJINHA / KOBANÎ