‘Şengal ra Mektubî’ Qamişlo de kewt vîzyon

Fîlm serrgêra azadkerdişê Şengalî de Qamişlo de ame ramojnayene.

Viraştoxîya fîlmî hetê Nûjiyan Produksîyonî ra û derhênerîya ci hetê Dêrsim Zêrevane ra ameya kerdene. Fîlmê ‘Şengal ra Mekubî’ Qamişlo de, Sînemaya Amûdêyî de ame ramojnayene. Fîlm behsê cuye, xoverdayîş û zehmetîyanê cinîyanê Êzidîyan keno. Fîlm 6 qisman ra pêyeno. Her qismî de mektubêk ca gena.

‘Ma do timûtim verê şarê xo de bê’

Derhênera fîlmî Dêrsim Zêrevane va, “Ez pêro kedkaranê fîlmî rê sipas kena. Ewro koyanê Kurdistanî de gerîlayî raştê hêrîşanê kîmyewîyan yenê. Ez nê hêrîşan şermezar kena. Gerîlayî seba azadîya şarî kede danê û şer kenê. Ê îlhamê ma yê hunerî yê. Ez şehîdan selam kena û fîlmê xo îtxafê gerîlayanê Şengalî kena. 13ê Teşrîna Peyêne de Şengal ame azadkerdiş û ma fîlmê xo Sînemaya Amûdeyî de danê ramojnayene. Berhemê hunerî do tarîxê ma zelal bikerê. Ma do tmûtim verê şarê xo de bê û cuya şarê xo bi hunerî bikirişnê pêro dinya.”

NÛJÎNHA / QAMIŞLO