‘Ganî hunermendî seba îtîfaqî vengê xo vejê’

• Hunermendo pîl Ciwan Hacoyî va, ‘Ganî hunermendî, rîsipîyî bêrê têhet û seba îtîfaqî gazîyêk bikerê.’

Hunermendo pîl Ciwan Hacoyî va, ‘Ganî hunermendî, rîsipîyî bêrê têhet û seba îtîfaqî gazîyêk bikerê.’

Hunermend Cihan Haco derheqê qedexeyan û şerê Başûrî qisey kerd. Hacoyî va, “Ganî hunermendê Kurdan, rîsipîyî, roşnvîrî bêrê têhet û seba îtîfaqî gazîyêk bikerê.”

‘Ziwan çin bo ma zî çin ê’

Muzîsyen Ciwan Hacoyî va, “Dewleta Tirkîya vera ziwan û kulturê Kurdan şer kena. Ma ganî vera nînan çîyêk bikerê. Ma ganî wayîrê ziwanê xo bivejîyê. Ziwanê ma bibo ma estê, ziwanê ma çin bo ma zî çin ê. Hunermendê Kurdan çîyanê başan kenê. Şarê ma zî wayîrê hunermendanê xo vejîyeno. Coka ê tehamulê nê paştîdayîşî nêkenê. Şarê ma çinayî ra keyf bigero, wazenê biherimnê.”

‘Ganî Kurdî yewî bê’

Ciwan Hacoyî derheqê şerê başûrî de va, “Ez şerê mîyanê Kurdan şermezar kena. Ez hunermendê Kurdan a. Ma ganî yewbînan de şer mekerê. Ma ganî vera Birakujîyî vinderê. Ganî rîsîpîyî, roşnvîrî, hunermendî bêrê têhet û seba îtîfaqî gazî bikerê. Ruhê ma û aqlê ma nê şerî qebûl nêkenê. 

‘Ma do bi azad bicuwîyê’

Ciwan Hacoyî gazî kerde û va, “Ma ewro dişmenanê xo şa kenê. Ma ganî zerra înan şa mekerê. Ma xizmetkarê Kurdan ê û ma naye qebûl nêkenê. Şarê ma rengareng o. Ganî her kes yewbînî rê hurmet bikero. Ma ganî hinî bibê yew û seba şarê xizmet bikerê. Sey her şarî, Ma zî do bi azad bicuwîyê. Meseleya ma Tirkan, Fariisan û Ereban de çin a, ma wazenê welatê xo de bi azad bicuwîye. Ma wazenê meseleyan bi rayîranê maqûlan safî bikerê.”

* Na xebere Yenî Yaşam de vejiya.