Nebî Yavuz: Têkoşînê ma beno pîl

Tepişte Nebî Yavuz 30 serrî zindan de mend. Labelê xoverdayîşî ra tu helêke fek vera nêda. Hêvî û bawerîya Yavuzî her tim o pay ra tepişt.

Nebî Yavuzo ke badê 30 serran veradîya, bale ante girîngîya xoverdayîşî û wina qisey kerd: “Têkoşînê ma bi xoverdayîşê şarî beno pîl. Zîndan de na hêvî û bawerîye ma payra tepiştî.”

Nebî Yavuzo ke badê 30 serran û 6 aşman Zîndanê Tîpê Myî yê Bafra yê Samsûnî ra veradîya, vizêr şan zîndanî ra vejîya.  Yavuz ewro ame qezaya Konakî ya Îzmîrî ya ke keyeyê ci ûca ciwîyeno.

Yavuz verê Banê HDPyî yê Konakî de bi vilikan û deyîranê kurdkî ame verwazîkerdene. Pîya bi merdimanê ci îdarekarê HDP û EGE-TUHAYDER û Meclîsê Dayîkanê Aştîye zî şîyî vera Yavuzî.

Yavuzî vat, “Tarîxê ma yê têkoşînî yê 50 serran bi des hezaran kesan dewam keno. Têkoşînê ma bi xoverdayîşê şarî beno pîl. Zîndan de na hêvî û bawerîye ma payra tepiştî. No têkoşîno ke yeno dayene ez pê sere berz a. Ma do ser bikewê.”

Yavuz dima ra pê kesanê ke ameyî vera ci bi rayraşîyayîşî şî keye.

Nebî Yavuz ganî yo ke 6 aşmî verî biameyêne veradayene.

XWEBÛN