Heftanîn, Xakurkê û Dêrsim de çalakî

• Gerîlayanê HPG û YJA Starî Heftanîn, Xakurkê û Dêrsim de çalakîyî kerdî. Tesbîtkerde 3 leşkerî ameyî kiştene.

Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

Heftanîn

''Çarçeweya Hemleya Şorişgêre ya Cengê Heftanînî de hêzanê ma yê YJA Starî 15ê temmuze de Qilê Şehîdî de leşkerêke ameyî cakerdene hedef girewtî. Çalakîya suîqestî de leşkerêk ame cezakerdene.

Xakurkê

Çarçeweya Hemleya Şorişgêre ya Şehîd Bagerî û Şehîde Ronya de 16ê temmuze de (ewro) Xakurkê de çalakîyêke ameye kerdene. Çalakîya ke Qilê Şehîd Derwêşî de ameye kerdene mewzî û stargehanê dişmenî ser o  adir ame varnayene la derheqê merde û birîndaranê dişmenî de zanayîş nêame girewtene.

Dêrsim

Artêşa tirke ya îşxalkere nizdê dewa Çamakli ya qezaya Xazarî ya Dêrsimî de dest pê qereqolêke neweyî kerd. Hêzanê ma yê YJA Starî 14ê temmuze de vera leşkeranê ke asayîşê nê qereqolî de yê çalakîyêke kerde. Çalakîya bitesîre de 2 leşkerê tirkî ameyî cazekerdene. Yewîya ma ya ke çalakîye kerde weş û war resayê cayê xo.

Hêrişê hewayî

Teyarayanê şerî yê dewleta tirke 14ê temmuze de warê Xantûrî yê Heftanînî, 15 temmuze de warê Bektorya yê Heftanînî û Qilê Amedîye yê Amedîye bombarduman kerdî.''