HPG: Heftanîn de bi desan leşkerî ameyî kiştene

• HPGyî da pêhesnayene ke çarçeweya Hemleya Şorişgêre ya Cengê Heftanînî de bi desan leşkerê dewleta tirke ameyî kiştene.

Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

HPGyî derheqê operasyonê vera Heftanînî ke 16ê hezîrane de ame destpêkerdene de nê vatî: ''16 hezîrane de teyaranê şerî yê îşxalkeran herêma Keşanî bombarduman kerde. Reyna veraşan zî warê Bektorya, Şehîd Kendal, Şehîde Bêrîvane û Tepê Dupişkî bi hawan û obusan bombarduman kerdî. Saetanê şewe de zî Qilê Şehîd Sipanî, Qilê Şehîde Bêrîvane, û Tepê Dupişkî de bi helîkopteran hêzê dişmenî ameyî cakerdene. Bi hawayê hemwatî Qilê Şehîd Adarî de zî ame destpêkerdene ke leşkerî bêrê cakerdene. Hêzanê ma nînan ser o adir varna. Îşxalkerî peyser agêrayî.

Xoverdayîşê Heftanînî de 3 gerîlayî şehîd bîyî

17ê hezîrane de hêzanê ma qilanê Şehîdê Bêrvane û Kato Sulê de vera îşlxalkeran çalakîyê sabotajî kerdî. Reyna Qilê Şehîd Sipanî de îşxalkerî 4 rey peyser ameyî qeldayeneû  têgêrayîşê înan ame vindarnayene. Çalakîyê ke çarçeweya Cengê Heftanînî de ameyî kerdene de bi desan leşkerî ameyî kiştene û  xeylêk zî birîndar bîyî. Operasyonê di rojan de embazê ma Şahîn, Tolhildan û Çîya şehîd bîyî. Di royî yo îşxalkerî bi paştdayîşê girdî yê teknîkî Heftanîn ser o bombayan varnenê. Têgêrayîşê hewayî dewam keno. Îşxalkerî hêrişê şarê herême zî kenê û dewan de şewat vejenê.''

Eşkerayîya HPGyî wina dewam kerde:

Wan de kontrayêk ame cezakerdene

''14ê gulane de hêzanê ma Qelqeliya Wanî de kontrayo binameyê Yildirim Demîr ceza kerd. Nê şexsî sey ajan-kontrayêk vera şarê xo bi destê dişmenî karî leyminî rayra berdene. Dewleta îşxalkere o sey xebatkarêke komeleya hetkarî ramojna ke serê karanê leyminan biqefilno. Badê çalakîya cezakerdişê herême de operasyon dîya destpêkerdene la destveng peyser ame antene.

Wan de operasyonê îşxalî

18ê gulane de  qezaya Elbakî  ya Wanî de operasyon dîya destpêkerdene. Operasyono ke warê Aşkita de ame kerdene eynî roje destveng peyser ame antene. 9ê hezîrane de zî Payîzava ya Wanî de operasyonêk ame destpêkerdene. Operasyono ke warê dewa Paçan û Perezî de ame kerdene roja bîne destveng peyser ame antene.

Zap, Garê û Metîna ameyî bombardumankerdene

Teyarayanê şerî yê artêşa tirke 17ê hezîrane de warê Dararê yê Metîna, 18ê hezîrane de zî warê Kanî Sarê yê Garê û warê Saca û Çemço yê Zapî ser o bombayî varnayî. Nê hêrişan de vînîbîyaye yê ma çîn ê.''

ANF