HPG: 2 helîkopterî ameyî derbkerdene, 22 leşkerî ameyî kiştene
yekşem 21 hezîranê 2020 - 10:55
- HPGyî da pêhesnayene ke çarçeweya Hemleya Cengê Heftanînî de 2 helîkopterê Kobrayî ameyî derbkerdene û 22 leşkerî ameyî kiştene.
Merkezê Îrtîbatî û Çapemenîye yê HPGyî derheqê xoverdayîşê vera hêrişê îşxalî de eşkerayîyêke daye û nê pare kerdî.
''Vera hêrişê îşxalî yê vera Heftanînî xoverdayîşê hêzanê ma dewam keno. Hêzanê ma çarçeweya Hemleya Şorişgêre ya Cengê Heftanînî de derbê girdî dayî dişmenî ro. Detayê çalakîyan wina yê:
22 leşkerî ameyî kiştene
18ê hezîrane de hêznê Qilê Şehîd Adarî de vera îşxalkeran di çalakîyî kerdî. Nê çalakîyanê sabotajî de 11 leşkerê dişmenî ameyî cezakerdene. 19ê hezîrane de hêzanêma leşkerê ke Qilê Şehîd Hemzeyî yê pabesteyê Qilê Partîzanî ra ver bi Qilê Qesrokê şiyêne girewtî binê kontrolî û da piro. Çalakîya ke leşkerê dişmenî mesafeyo nizdî ra ameyî pirodayene de 11 leşkerî ameyî kiştene.
Gerîlayêke şehîd bîye
Na çalakîye de embaza ma Amara ke heta guleyê xo yê peyêne şer kerd şehîd kewte. Badê çalakî herême ameye bombardumankerdene. Hêzanê da helîkopteran ro ke ê mecbur mendî ke agêrê. Eynî roje saetanê cemê şanî de Qilê Şehîde Bêrîvane de çalakîyêke ameye kerdene. Hûmara merde û birîndar ê dişmenî nêmaeye zelalkerdene.
2 helîkopterê kobrayî ameyî derbkerdene
Reyna eynî roje herêma Xantûrî ame bombardumankerdene. Hêzanê ma helîkoterê hêrişî hedef girewtî û bi îsabet da piro. Kobrayêk ame derbkerdene. Reyna saetanê şanî de zî helîkoterî raya dîyine bîyî hedefê hêzanê ma û yewna Kobra ame derbkerdene û helîkopterî herême ra ameyî dûrîfînayene.
Çelê de 5 leşkerî ameyî kiştene
Çarçeweya Hemleya Şorişgêre ya Şehîd Bagerî û Şehîde Ronya de hêzanê ma 18ê hezîrane de Qilê Şehîd Bagerî yê Çelê ya Colemêrgî de çalakîyêke kerde. Çalakîye de wesayîtêk pîya 5 leşkeranê ke tede bî ame îmhakerdene.''
ANF