Hengaw: Protestoyanê Jîna Amînî de 715 serrî ceza dîyaye 201 Kurdan

Rêxistinê Heqanê Merdiman ê Hengawî raporê xo de eşkera kerd ke protestoyanê Jîna Amînî ver 715 serrî ceza dîyaya 215 tepişteyanê Kurdan.

Rêxistinê Heqanê Merdiman ê Hengawî derheqê tepişteyanê Kurdan ê ke xoverdayîşê ‘Jin jiyan azadî’ de ameybî girewtede de raporêk weşana. Ameyo dîyarkerdiş ke ê rasayê malumatanê 202 kesan.

Rapor de ame vatiş ke, “Goreyê malumatan Kurdêk ameyo îdamkerdiş. 715 serrî cezaya hepisî dîyaya 201 kesan. 2 hezar û 227 cezaya qirbaçî ameya dayene û cezayê pereyan û komelî ra teberkerdişî zî dîyayê nê kesan.”

Raporî de ame dîyarkerdiş ke 201 kesan ra 196 kesî ciwanî û domanî û ame vatiş ke, “Kesê ke ameyê girewtene, 196 kesê înan ciwan û doman bî. Nînan ra 4 domanî ameyê girewtene û cezaya qirbaçî dîyaye nînan. 23 cinîyê Kurd ê aktîvîstî ameyê girewtene. 61 serrî cezaya hepsî dîyaye 19 cinîyan û cezaya 18 qirbaçî dîyaye cinîyêke.”

100 ra zêderî wendekarî ameyê girewtene

Raporî de ame dîyarkerdiş ke wendekar û mamosteyê Kurdî zî hedef gêrîyayê û ame vatiş ke, “Hereketê ‘Jin, Jiyan, Azadî’ de 100 wendekarê Kurdî ameyê girewtene û wendiş înan rê ame qedexekerdiş. Cezaya hepsî dîyaye 8 wendekaran. 16 serrî cezaya hepsî dîyaye 4 mamosteyanê Kurdan.”

Reyna raporî de ame dîyarkerdiş ke kesê ke gêrîyayê binê çimî û ameyê girewtene raştê îşkenceyê fizîkî û psîkolojîkî ameyê û heqê nînan ê bingeyinî ameyê binpaykerdiş.

YENÎ YAŞAM