Hunermend Karîyan: Ez têmîyanekîya di dinyayan a

Nûçeyên Çand/Huner

sêşem 12 nîsanê 2022 - 10:03

Muzîsyen Karîyanî de derheqê hîkayeya ci de roportajêk ameyo viraştene.

Karîyan Ewrûpa de cuwîyayo la ê eslê xo Silêmanîye ra yê. Karîyan vano, “Wexto ke ez doman bîya pîyê mi orkestrayêk de flute cinitêne. Keye de zî arşîvêkî muzîkî estibi. Mi domanîya xo de qerar da ke ez bibî muzîsyen. Ez gitar û elektro gitar muaya û dima bala mi şî muzîkê elektronîkî ser. La no verî mi rê çîyêko robotik ame û mi waşt ez ey bineyna bikerî organîk. Coka mi deyîrê xo viraştê. 

“Ez têmîyanekîya di dinyayan a”

Hunermend Karîyan vano, “Ez Kurdistanê Başûrî de, Silêmanîye de ameya dinya. Ma şerî ver remayê ameyê Almanya. Ez Ewrûpa de bîya pîl û mi kulturê tîyayî naskerd. Ez hem kulturê Kurdan zana hem yê Ewrûpayî. Ez têmîyanekîya nê di dinyayan a. Ez muzîkê xo de ca dana  deyîranê Kurdkî la ez ca dana deyîranê Ermenîkî, Îspanyolkî û deyîranê Afrîka zî. Ez muzîkê xo de ca dana berhemanê etnîkan û muzîkê mi beno muzîko elektronîk o organîk. Ez wazena kulturan yewbînan rê bikerê cîran. Ez heyranê muzîkê Ermenîyan a. Levon Minassian raşta zî wetayêko pîl o û tesîrê ey zaf mi ser o bîyo. Sewbîna tesîrê hunermendanê sey Nico Jaar, David August, Valentin Atip û Nils Frahmî mi ser o bîyo.”

* Gazete Duvar de ameye girewtiş.

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.