Îdarekarê Enstîtuya Kurdkî ya Roznewbarî ameyê girewtene

Ronayoxê Enstîtuya Zanistî ya Kurdistanî Cyrus Abbasî û birayê ci Azad Abbasî hetê rejîmê Îranî ra ameye girewtene.

Enstîtuya Zanistî ya Kurdistanî ya Roznewbarî ya ke 6 serrî yo perwerdeyê Kurdkî dayêne, 3ê Êlule de seba ke Kurdkî teşwîq kena hetê rejîmê Îranî ra ameye padayene. Ronayoxê enstîtu Cyrus Abbasî û birayê ci Azad Abbasî vîzêrî şîyê ke îfade bidê û her diz î ameyê girewtene û etşawîyayê Hepisxaneyê Dehgolanî.

Cyrus Abbasî û Azad Abbasî par seba ke beşdarê çalakîyanê ‘Jin, Jiyan, Azadî’ bibî, 30ê Êlule 2022yî de ameybî girewtene. Di birayî 32 rojî hucre de mendê û dima erşawîyayê Hepisxaneyê Sanandajî. Dima 64 aşmî ceza dîyaye înan û bi kefaretî hepis ra vejîyaybî.

MERKEZÊ XEBERAN