Rêxistinanê heqanê merdiman ra gsazîya grevê pêroyîye

• Rêxistinanê heqanê merdiman ê Rojhelatê Kurdistanî seba ke dardekerdişê 4 ciwananê Kurdan protesto bikerê gazîya grevê pêroyîye kerde.

7 rêxistinanê heqanê merdiman ê Rojhelatê Kurdistanî seba protestokerdişê dardekerdişê 4 girewteyanê Kurdan ewro grevê pêroyîye da dest pêkerdene. Rêxistinan seba ke beşdarê çalakîye bibê şarî rê gazîye kerde. Vilawekêke ameye weşanayene û ame vatene ke, “Çi heyf ke ewro 4 girewteyê sîyasî yê Kurdî ameyê dardekerdene û qerarê 6 girewteyanê Kurdan zî mehkemaya berze de ame tesdîqkerdene. No zî qisewetanê ma zêdîneno.”

‘Paştî bidê çalakîye’

Dewamê vilaweke de ame vatene ke, “Ma venga pêro komelê Kurdistanî danê ke wa vera nê prosese binpaykerdişê heqanê merdiman bibê beşdarê grevê pêroyîye û wa nê prosesî protesko bikerê. Ma wazenê bala dinya biancê nê binpaykerdişan ser û ma wazenê wa cezaya îdamî bêra wedartene. Ma venga pêro partîyanê Kurdistanî, rêxistinanê sivîlan, sazîyanê heqanê merdiman û kesanê wayîrê wijdanî danê ke wa paştî bidê nê grevî û na vilaweke. Ma pêro pîya bibê vengê şarê Kurdî.

Rêxistinanê ke îmza eşta vilaweke nê yê:

"*WorldKurd Örgütü

 *Hana İnsan Hakları Örgütü

 *Hengaw İnsan Hakları Örgütü

 *Kurdpa İnsan Hakları Örgütü

 *Dört Kürt siyasi tutsağı savunmak için kampanya

 *Kürdistan Mahkemesi

 *Zagros İnsan Hakları Merkezi" (MA)