Îstanbûl de konserê Koma Mayî

Koma Mayî konserê dîyinî yê turneya xo Îstanbûl de da. Hetê hunermendan ra gazîye ammeye kerdene ke, wa şar wayîrê kultur û muzîkî bivejîyo.

Koma Mayî konserê dîyinî yê turneya xo Îstanbûl de da. Konsero verên 21ê Çeleyî de Enqera de amebi dayene. Konserê Îstanbûlî, Avcilar de Merkezê Kulturî yê Bariş Mançoyî de ame dayene. Şarî eleqayo pîl mojna konserî. Kome dîyar kerd ke, ê deyîranê xo bi şexsê Jîna Emînî dîyarîya pêro cinîyanê xoverdayoxan kenê. 

Hetê Koma Mayî ra deyîrê hunermendanê Erdewan Zaxoyî, Eyaz Yûsif, Merûf, Reşîdê Cindî, Elî Baran,  Îsa Berwarî, Şukrî Rêkanî û deyîrê mintiqayanê Dêrsim, Behdînan û Botanî ameyê vatene.

Şar bi çapikan û tilîlîyan keyfweşîya xo mojna. Konserê Koma Mayî bi keyf û şayîye ame qedîyayîş.

‘Ma soz da domanan’

Peynîya konseri de hetê hunermendanê kome ra Şêrko Kanîwarî ra qiseykerdişêk ame kerdene. Kanîwarî va, “Ma 6 serrî verî cû paytextê Kurdistanî ra soz da şarê xo. Se bebo wa bibo, ma do nê domanan bê muzîk meverdê. Tena domanan ney ma do keyeyanê domanan zî bê muzîk meverdê. Şima çend paştî bidê, no kultur û muzîk do aver de şorê. Seba wayîrvejîyayîşê şima ma zaf sipas kenê.”

MA / ÎSTANBÛL