Merkezê Hunerî yê Golgeyî ra çalakîyêk

Merkeze Hunerî yê Golgeyî 10 serrrîya ronayîşê xo do bi konserêk pîroz bikero.

Konser do 6 Gucige de bibo. Merkeze înan Esenyûrdê Îstanbûlî de yo. Konserî de do hunermendê sey; Husnî Arkan, Mehmet Atli, Ruken Yilmaz ca bigerê. Sewbîna do çalakîya tîyatro zî do bêro kerdene. Merkez 10 serran de xeylê xebatî û çalakîyî kerde.

Koro, Dans û xebatê Muzîkî

Xebatkara merkezî Rewşan Apaydin vana, “Ma pandemîyî ver di serrî yo ke nêşkenê çîyêk bikerê. La ma heta ewro xeylê kayî nuştê û kay kerdê. Ma xeylê xebatê koro, dans û muzîkî kerdê. Ma wextêk ra dima giranî da Kurdkî ser. Ma Kurdkî kayê tîyatroyî nuşt û kay kerd. Xora xebatê ma yê muzîkî de giranîya Kurdkîyî esta. 

Muzîkalo Kurdkî

Mamosteyê muzîkî Sînan Gokçe vano, “Esenyûrt Kurdîstan ra xeylê koç gêno, ma zî bar kerdo ameyê tîya. Ma tîya de kulturê xo ser, bi ziwanê xo xebatan kenê. Esenyûrt cayêko kozmopolît o. Ma heta ewro xeylê ziwanan de deyîrî vatê la nika ma komêk awan kerda ke tena muzîkê Kurdkî kena û ma wazenê bi Kurdkî muzîkalêk bivirazê. Ma pêro şarê xo silaynenê ke bêrê çalakîya ma û ma pîya xebatanê xo pîroz bikerê.”

MA/ÎSTANBÛL