Koçberê Dêrsimî şavakijî wareyan de yê

duşem 15 hezîranê 2020 - 20:56

  • Şavakijî qezayanê Pêrtag û Çemizgezekî yê Dêrsimî ra pê heywananê xo şîyî binê Koyê Sultan Babayî. Şawakijan derheqê meseleyan û zehmetîya karanê xo de qisey kerd.

Şawakijî her serre şinê wareyan û pê heywankarîye debarê xo kenê. Şewakijê ke her serre zaf zehmetîye ancenê, lome kenê ke ê nêeşkenê heqê kedanê xo bigêrê.

Koçberê şavakijî binê Koyê Sultan Babayî yê Pulurî de manenê. Koçberî anê ziwan ke hem dewlete paştî nêdana înan hem zî roniştoxê bînî pê înan qayîl nîyê.

Koçber Mustafa Aykut derheqê meseleyan de nê çîyan vano: ''Derdê ma zaf ê. Domanê ma teber de wanenê, ma cinî-camêrd tîya de manenê. Coka ma şîwanan xebitnenê, pêro pereyê ma wina şino. Ez 4 şîwanan xebitnena, aşmêke de 30 mîlyar dana înan. Ma dima benê deyndar. Ma mecbur ê ke nê karî bikerê. Domanê ma wanenê la pêro bêkar manenê. Ma peynîr virazenê danê bazirganan la nêzanenê çendek kar kenê. Ma do payîz de biewnê ci ke hele ma karê ma senîn o.''

Cebraîl Aybar zî îfade keno ke şarê wareyan înan nêwazeno û vano: ''Şarê tîya ma rê hêrs beno, qiseyan vano. Ma ameyî tîya, sewbîna cayê ma çin o. Serê koyan de hema vewre esta, ma mecbur ê ke tîya de bimanê. Ma peynîr roşenê la peynîrê ma ra ma nê, bazirganî pere qezenç kenê.''

Koçbere Hatîce Aykut zî wazeno ke dewlete seba pereyê şîwanan hetkarîya înan bikera. 

Koçbere Sakîne Dogan zî vana: ''Zehmetîya ma zaf a. Ma nan virazenê, heywanan doşenê, peynîr virazenê, karkeran rê nan amade kenê.''

ANF

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.