Seba Şewaqîyan do Nêweşxaneyê Heywanan bêro awankerdiş

Nûçeyên Komel û Cuye

çarşem 3 tebaxê 2022 - 17:07

Serekê Kooperatîfê Şit û Berhemanê Şitî yê Dêrsimî Cenk Akgonulî va, “Ma do Nêweşxaneyê Heywanan awan bikerê û şar do berheman hîna erjan peyda bikero.”

Goreyê malûmatanê resmîyan Dêrsim de 491 hezar 571 hebî peso hurdî esto. Heywancitîya Dêrsimî ekseri hetê Şewaqîyan ra yena kerdene. Şewaqîyî hîna zêdê derûdorê Xozat û Pêrtagî de cuwîyenê û wisaran şonê wareyanê berzan. Peynîrê Şewaqîyan xeylê namdar o. Krîzî ver ê zî mecbûr manenê ke heywananê xo biroşê. 

Nêweşxaneyê Heywanan do bêro awankerdiş

Serekê Kooperatîfê Şit û Berhemanê Şitî yê Dêrsimî Cenk Akgonulî va, “Ma wazenê seba Şewaqîyan Nêweşxaneyê Heywanan awan bikerê. Ma projeya ci hedre kenê. Ma wazenê her serre çîyêk bikerê. Eke kooperatîf bikewo kar, do meseleyanê şarî ser o bixebitîyo. Ma do seba heywanan qanalanê awe bivirazê. Seba ke cewî de bacî bikewê ma xebitîyenê.”

Mêşnayî yenê birnayîş

Akgonulî va, “Tonê cewî bîyo 10 hezar. Maeşa şiwanan bîya 12 hezar. Tonê simerî bîyo 3 hezar 500. Coka xeylê kesan heywanê xo erşawitê birnayîş. Eke 700 mêşnayê kesekî bibê, nîmeyê înan roşeno. Şewaqîyî peynir virazenê la nêşkenê heqê keda xo bigerê. Mas ey kooperatîfî berhemanê înan bi fîyetêkî başî herînenê. Ganî karê kooperatîfî weş bêro famkerdiş. Ma wazenê mintiqa de Nêweşxaneyê Heywanan awan bikerê û nêweşîyan tede weş bikerê.”

MA / DÊRSIM

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.